VIGAN CITY– Naikkaten iti pwesto ti intelligene officer ti Ilocos Sur Police Provincial Office (ISPPO) .
Segun kenni PSSupt. Jovencio Badua ,Jr., provincial director ti ISPPO, iti pannaikakkat ni PSupt.Arbel Mercullo kas intelligence officer ket gapu ta kiniddaw ni Gov. Ryan Singson gapu ta saan a nakikoordinar iti opisina na inaig iti pannakakemmeg dagiti nasurok 100 a Chinese ken Taiwanese national idiay San Vicente idi Enero gapu iti telecom fruad, pakairamanan ti mapapati nga iseserrek dagiti iligal a droga ken kontrabando babaen kadagiti kabaybayan iti probinsiya.
Immunan nga inbaga ti gobernador a manipud idi nakemmeg dagiti gangannaet ket saan pay a nagreport ni Mercullo idinto nga awan pay iti development report na inaig iti white crystaline substance a nasarakan iti kabaybayan idiay Magsingal ken ti tugboat a naisadsad idiay Narvacan.
Iti agdama ket naka-floating status iti naikkat nga intel officer idinto a temporaryo nga agtugaw iti pwesto ni Chief Insp. Andrew Rabang .
