Saan a karaman ti intelligence fund iti non-mandatory expenditures isu a saan a mabalin nga isardeng ti gobierno iti baet ti nakaro nga epekto ti nangina a presio ti langis gapu iti krisis iti Middle East.
Segun ken ni Budget Secretary Rolando Toledo, adda sabali a pagalaan ti pondo tapno masolusyonan ti parikut iti suplay ti langis babaen iti panaggatang kadagiti sabali a pagilian a saan a konektado iti Middle East.
Karaman kadagiti kitkitaenda a pagalaan ti pondo ket manipud kadagiti non-essential maintenance ken dadduma pay nga operating expenditures a mabalin nga aramaten iti austerity measure.
Dagiti non-essential maintenance ken dadduma nga operating expenditures ket ti pondo iti travel expenses, training, communications, ken dadduma pay a mabalin a maala kas savings.
