Pinasingkedan ti Philippine National Police (PNP) Forensic Group nga innem manipod siam a pulo ket maysa a bone samples iti narekubre manipod Taal Lake ket posible a tulang ti tao.
Segun ken ni PLt. Col. Francisco Supe Jr. a deputy director for Administration iti PNP Forensic Group, ti langa dagiti tulang ket madlaw a tulang ti tao ngem masapul pay a maeksamin.
Ti addang ket kasaruno ti kinuna ni PNP Chief Nicolas Torre III a ti tulang a narekubre iti Philippine Coast Guard (PCG) manipod iti dan-aw ket nagtipon nga ayup ken tao.
Maipangruna dagiti dakdakkel a tulang ta posible nga adda DNA na.
Nupay kasta ket inamin ti PNPFG a kasapulan iti panawen para ti proseso iti panang-generate iti DNA profile manipod kadagiti sample.
Ti napaut a pannakababad dagiti sample iti dan-aw ket nangitunda iti seryoso a karit para ti forensic processing.
Kinuna ni PLt. Col. Edmar dela Torre nga officer-in-charge iti DNA Laboratory Division, ti initial findings ket manamnama iti lima agingga pito nga aldaw.
