Innem ti natay idinto a dua ti mapukpukaw gapu iti Tropical Cyclone Ferdie ken ti habagat, kas pinasingkedan ti National Disaster Risk Reduction and Management Council.
Basar iti kaudian a situational report ti NDRRMC, uppat kadagiti naireport a natay a ma-validate to pay laeng ket naggapu iti Bangsamoro Autonomous Region in Muslm Mindanao, dua met idiay Zamboanga Peninsula.
Kadagiti uppat a mapukpukaw, maysa ti nairekord idiay Zamboanga Peninsula ken Western Visayas.
Adda pay sangapulo ket maysa a nadunor manipud BARMM ken Soccsksargen.
Pakabuklan a 203,197 a tattao wenno 47,166 a pamilia kadagiti dua gasut siam a pulo ket dua a barangay ti naapektaran iti madi a paniempo.
Manipud iti nasao a bilang, 13,825 ti agtaltalinaed kadagiti evacuation center, idinto a 22, 801 ti kimmamang iti sabali a pagtaengan.
