VIGAN CITY – Innem a tattao iti nakemmeg gapu iti panaglabsingda iti Provincial Ordinance 15-06 iti Section 4-B, H ken J wenno pannakapaayda a mangipakita ti dokumento gapu ti panagkargada kadagiti taraken a baboy iti tallo a truck ken saanda a panangisuko ti bagi kadagiti quarantine checkpoint idiay Cagayungan, Narvacan.
Iti pannaki-uman ti Bombo Radyo Vigan ken ni Provincial Quarantine Officer Martel Quitoriano, maisayangkat ti nauneg nga imbestigasyon iti pannakatakuat nu sadino ti pangipananda kadagiti baboy ta saan pay laeng a nagsarita dagiti nasao a nakemmeg.
Babaen ti pannakabai ti linteg ti Narvacan Municipal Police Station ken Nagbukel Municipal Police Station, ket nabigbig dagiti nakemmeg ket nabigbig a da Jayson Abarientos Callejo, agtawen ti tallopulo ket walo, mannalon, naasawaan nga agnaed idiay Brgy. Casilagan Narvacan a driver iti Isuzu Elf; Rommel Gala Montante, agtawen ti tallopulo, baro, mannalon nga agnaed idiay Brgy. Lapting, Nagbuekl a driver ti maysa pay nga Isuzu Elf; Clinton Divina, agtawen ti duapulo ket pito, mannalon nga agnaed idiay Ambugat, Burgos; Arnel Cabalce Supnet, agtawen ti uppat a pulo, naasawaan, mannalon, driver iti maysa pay nga Isuzu Elf kaduana da Jushua Custudio, agtawen ti duapulo ket maysa; ken Reymos Cabalce, agtawen ti tallopulo ket dua nga agpapada nga agnaed idiay Brgy. Lapting, nagbukel.
Segun ken ni Quitoriano, datin a parikotdan dagiti agiliblibas iti tarakenda isu nga agtultuloy latta iti panagmonitorda kangrunaan nu adda iti mangipakaammo kadakuada a report a kas iti pasamak.
Nupay kasta, dagiti naala a sibibiag a baboy ket naisubli iti mapapati nga akin-kukua a taga-Brgy. Casilagan, Narvacan kas bilin ni Sherwin Corrales a livestock inspector iti nasao nga ili.
