Photo credits to the owner 
Photo credits to the owner
VIGAN CITY – Lima a municipal police stations personnel iti naikkan ti letter of commendations manipod kenni Ilocos Sur Police Provincial Office (ISPPO) provincial director – Police Col. Emmanuel Reyes.
Segun kenni Police Community Relations (PCR) chief Police Major Winnie de Vera, dagiti nasao a personnel ket napadayawan gapu kadagiti nagappuanan da kadagiti ayan da a police station kas iti pannakakemmeg dagiti wanted person ken dadduma pay.
Dagiti napadayawan ket isu da Police Corporal John Carlo Domingo ti Magsingal municipal police station gapu kadagiti buy-bust operations nga insayangkat da; Police Corporal Mark Emerson Ramos ti Santiago MPS gapu iti pannakakemmeg ti Top 5 Most Wanted Person iti ili; Patrolman Marion Ian Prades ti Vigan City PS gapu iti balligi a buy-bust operations iti syudad; Police Master Sergeant Murphy Jay Caban ti Narvacan MPS gapu iti pannakakemmeg da iti naglabsing ti Republic Act 10591 wennu Comprehensive Firearms and Ammunition Regulation Act kenni ISSPO personnel – Polie Staff Sergeant Lawrence Forges gapu iti pannakakemmeg na met laeng iti naglabsing ti Republic Act 10591.
Kada Lunes ket adda iti padawayan ni Reyes a police station wennu personnel gapu ti napintas a performance da.
