VIGAN CITY – Panaglabsing ti Presidential Decree 1602 iti sangwen a kaso dagiti innem a natakuatan a nagsusugal idiay Brgy. Olo-olo Norte, Santiago, Ilocos Sur.
Iti pannaki-uman ti Bombo Radyo Vigan ken ni PLt. Godofredo Ribuyaco nga OIC iti Santiago Municipal Police Station, nabigbig dagiti nagsusugal a da Hilda Elizarde, agtawen ti limapulo ket maysa, naasawaan; Julie Elizarde, agtawen ti limapulo ket lima, housewife.
Rachelle Sales, agtawen ti tallopulo ket innem, naasawaan, housewife, kameng ti 4ps; Meliza Josue, agtawen ti uppat a pulo, naasawaan; Keslie Cuaresma, agtawen ti duapulo ket siam, balasang, ken ni Alfredo Josue, agtawen ti sangapulo ket siam, baro, awanan ti trabaho nga agpapada nga agnaed iti nasao a lugar.
Segun ken ni Ribuyaco, adda ti naawatda a report inaig iti nagsusugal isu a nagrespondeda ket naaktoanda dagiti suspek ket nakaalaan kadakuada ti maysa a set iti baraha ken lima gasut ket limapulo a pisos.
Kabayatanna, nagpalagip ni Ribuyaco kadagiti umili nga isardengdan ti panagsugal ta narigat ti biag ken nangina pay ti pagpyansa dagiti matiliwan.
