VIGAN CITY – Panaglabsing ti Presidential Decree 1602 iti sangwen dagiti innem a suspek a nagsusugal idiay Barangay Subadi Sur, Burgos, Ilocos Sur.
Dagiti suspek ket da John Kelie Dela Cruz Dandoy, agtawen ti duapulo ket lima, baro, inhinyero; Manuel Paz Tan, agtawen ti pitopulo ket walo, naasawaan, mannalon; Neri Duque Bayuca, agtawen ti duapulo ket uppat, awanan trabaho; Kim Reyes Galigo, agtawen ti tallopulo ket dua, awanan trabaho nga agpapada nga agnaed idiay Subadi Sur, Burgos; David Gallema Calaur, agtawen ti tallopulo ket pito, karpentero nga agnaed idiay Barangay Ambugat, Burgos; ken John Sambrano Tabares, agtawen ti tallopulo, awanan trabaho nga agnaed idiay Barangay San Nicolas, Candon City.
Iti insayangkat nga anti-illegal gambling operation dagiti kameng ti Burgos Police Station iti natayan iti nasao a lugar ket naaktoan ti panagay-ayam ti Lucky Nine dagiti suspek ket nakaalaan kadakuada ti P3,449 a pusta ken tallo a set iti baraha.
Dagiti nakemmeg ket addan iti Burgos Police Station pakairamanan dagiti naala kadakuada.
