VIGAN CITY- Panaglabsing iti Presidential Decree 1602 iti sanguen dagiti nagtotong-its idiay Barangay Baliw, San Juan idi kalman.
Dagiti nakemmeg a nagsusugal ket da Rogenio Raquepo, agtawen ti lima pulo ket dua agnaed iti Brgy. Immayos Norte; Fely Frando, agtawen ti innem a pulo ket siam nga agnaed idiay Barangay Sabangan; Roger Rafanan Dela Rosa, agtawen ti lima pulo ket lima nga agnaed idiay Barangay Sunggiam; Mark James Viloria, agtawen ti tallo pulo ket tallo nga agnaed idiay Brgy. Baliw, Jermaine Aquino, agtawen ti tallo pulo nga agnaed idiay Bgry. Baliw; Maribel Salengua, agtawen ti lima pulo ket maysa nga agnaed idiay Brgy. Sabangan iti nasao nga ili.
Babaen iti insayangkat nga anti-illegal gambling operation ti San Juan Police Station ket nakemmeg dagiti suspek nga agay-ayayam iti tong-its.
Gapu iti dayta ket naala kadagiti suspek iti dua a set iti baraha ken ti pusta nga aggatad ti sangaribo uppat a gasut pito pulo ket lima a pisos.
