--Ads--
VIGAN CITY – Innem a nagsusugal a nagayayam ti Lucky 9 ti nakemmeg idiay Brgy. Sabang, Cabugao.
Nabigbig dagiti suspek a da Ivan Garcia, Mark Hoseph Seatriz, Henry Sumibcay, Rodel Villalon, Rudolfo Ilar ken Harold Salarzon agpapada nga agnaed ti nasao nga ili.
Basar ti report manipod Cabugao Municipal Police Station, inwayatda ti operasyon kontra kadagiti agsusugal ta adda iti naawatda a report inaig iti panagayayamda ti maysa a natayan ti barangay.
Naaktoan nga agayayam ti lucky 9 dagiti suspek ket naala kadakuada ti kwarta a lima ribo siam a gasut siam a pulo a pisos ken baraha.
-- ADVERTISEMENT --
Ti agdama maisagsaganan ti kaso a panaglabsing ti PD 1602 wenno iligal a panagsugal kontra kadagiti innem a suspek.
