Innem a million nga official printed ballots para iti 2025 national and local elections ti nakaituding a maibelleng kalpasan a nangipaulog ti Korte Suprema iti temporary restraining orders kontra iti poll body.
Nasapsapa a nagdesisyon ti high court a mangiruar dagiti TRO kontra iti Comelec gapu iti pananglappedda iti lima a kandidato a makipaset iti masungad nga eleksion.
Dagus a nangisayangkat iti COMELEC ti emergency meeting ket inpasardengda ti ballot printing process.
Saan laeng a ti panagimprenta ti nasuspeso, ta uray ti mock elections a naituding inton Sabado, Enero 18, ket nakanselar.
Nangipaulog ti Korte Suprema iti temporary restraining orders kontra iti panangideklara ti Comelec kada Subair Guinthum Mustapha ken Charles Savellano kas nuisance candidates para Senador ken Representante ti Umuna a Distrito ti Ilocos Sur; rejection of certificates of candidacy ni Chito Bulatao Balintay kas Gobernador ti Zambales ken ni Florendo de Ramos Ritualo, Jr. kas ken ni Sangguniang Panlungsod Member ti San Juan City’s First District; ken disqualification ni Edgar Erice kas Representative ti Caloocan City’s Second District.
Kinuna ti Comelec nga umuna nga ikabilda dagiti minilion a nayimprenta a balota para iti inventory tapno maikeddeng ti pakabuklan a gastosda, sakbay nga idulinda dagitoy iti Santa Rosa Warehouse-da ken madadael tapno malapdan ti aniaman a saan nga autorisado a pannakausar.
Kabayatanna, ad-adalen pay ti poll body no kasano kaadu ti masapul a mabalbaliwan ti sistema.
