VIGAN CITY – Sangagasut innem a pulo ket innem ti kason ti Covid19 iti probinsia ta innem ti nainayon iti nagpatnag.
Ni ISC161 ket agtawen iti tallopulo ket maysa a lalaki a taga-Brgy. Gabur Norte, Sta. Cruz, APOR ta maysa a kameng ti Bureau of Fire Protection. Naggurigor ti pasyente, nagpanateng ken nagaskit ti ulona; awan ti travel history-na, nai-expose kadagiti high risk profession ken adu dagiti nakapulapolna.
Ni ISC162 ket agtawen iti uppat a pulo ket walo a lalaki a taga-Brgy. Anaao, Alilem, returning resident ken maysa a mannalon. Naguyek ken nagpanateng ti pasyente, adda travel history-na idiay Benguet province, nai-expose kadagiti high risk area ken adu dagiti nakapulapolna.
Ni ISC163 ket maysa a lalaki a taga-Poblacion, Banayoyo, agtawen iti limapulo, APOR a kameng ti BFP. Naguyek, awan ti travel history-na, adda exposure na kadagiti high risk profession ken adu dagiti nakapulapolna.
Kabayatanna, ni met ISC164 ket agtawen iti duapulo ket innem a lalaki a taga-Ora West, Bantay, local resident, maysa a healthcare worker. Asymptomatic, awan ti travel history-na, nai-expose kadagiti high risk profession ken adu dagiti nakapulapolna.
Ni ISC165 ket agtawen iti limapulo ket tallo a babai a taga-Brgy. Olo-olo, Santiago, Locally Stranded Individual, maysa a housewife. Asymptomatic, adda travel history-na idiay Cavite, nai-expose kadagiti high risk area ken adu dagiti nakapulapolna idinto a ni ISC166 ket agtawen iti pitopulo ket tallo a lalaki, taga-Sulvec, Narvacan, LSI, aymptomatic, adda travel-history-na idiay National Capital Region, nai-expose kadagiti high risk area ngem manmano laeng ti nakapulapolna.
Manipud iti December 22 agingga January 5, 2021 ket maidalan iti Extreme Enhanced Community Quarantine dagiti lugar a critical zone, Modified Enhanced Community Quarantine dagiti containment zone ken General Community Quarantine iti Buffer zone.
