Innem a gasut a ribo a pisos a gatad ti marijuana inuram ken dinadael dagiti pannakabagi ti linteg idiay Sugpon

VIGAN CITY – Insayangkat dagiti pannakabagi ti linteg ti Sugpon Municipal Police Station, ISPDEU, PIU, PDEA RO1 LUPO ken 2^nd ISPMFC ti anti illegal drug operation idiay Mt. Moling, Brgy. Lucungan, Sugpon.

Basar ti report manipod ti Sugpon PNP, innem a gasut innem a pulo a ribo a pisos a gatad ti marijuana ti dinadaelda iti nasao a barangay.

Nasurok kumurang sangaribo lima gasut a fully grown marijuana ti dinadael ken inuram dagiti otoridad ken tallo kilo a napagango a bulong ti marijuana.

Awan iti nakemmeg a cultivator bayat iti naisayangkat nga operasyon dagiti otoridad.