Inabsuelto ti Sandiganbayan ti innem a dati nga opisial ti Philippine Rice Research Institute (PhilRice) iti kaso a graft mainaig iti panangaprobarda iti mapapati nga anomalous a P15.78-milion car plan para kadagiti empleado idi 2009.
Iti 48-pages decision, kinuna ti Sixth Division ti korte a napaay ti prosecution panel ti Office of the Ombudsman a mangpaneknek iti criminal intent dagiti akusado nga opisial ti PhilRice a makagun-od iti sumagmamano a kuarta wenno fiduciary benefits para iti bagida wenno para kadagiti dadduma a tao.
Dagiti naabsuelto ket dagiti dati a kameng ti PhilRice Board of Trustees (BOT) a da Johnifer Batara, Fe Laysa, William Padolina, Senen Bacani ken Rodolfo Undan iti one count ti tunggal panaglabsing iti Section 3 ken ti Republic Act (RA) 3019, wenno ti Anti-Graft and Corrupt Practices Act.
Naabsuelto met ti dati a cashier ti PhilRice a ni Fe Lumawag a nainaganan a co-accused gapu laeng iti panaglabsing iti Section 3 ti RA 3019.
Kinuna ti ombudsman a naaprobaran ti deal nga awan ti aniaman a public bidding ken dagiti beneficiary-employees ti PhilRice ket entitled pay laeng iti transportation allowance iti laksid ti pannakausar dagiti official vehicles.
Ngem iti desision, dinakamat ti Sixth Division ti argumento dagiti dati a kameng ti Board of Trustees a ti panagamongda iti car plan ket “motivated by good faith” tapno malapdan ti brain drain iti PhilRice ken mapalubosan dagiti nagaget nga empleado a maaddaan iti bukodda a lugan.
Maysa pay, kinuna ti korte a ti car plan deal, babaen kadagiti hold-out agreements iti Philippine National Bank, ket saan a maibilang a disadvantageous iti gobierno ta ti kuarta a nairaman ket paset ti PhilRice’s savings nga adda iti sidong ti savings account ken time deposits iti nadakamat a bangko.
