VIGAN CITY – Innem a brand new fire truck ti inawat ti Bureau of Fire Protection iti probinsia a naggapu iti Department of the Interior and Local Government.
Iti pannaki-uman ti Bombo Radyo Vigan ken ni Provincial Fire Superintendent Floro Obrero, dagiti fire truck ket agpaay kadagiti fire station iti ili ti Caoayan, Cabugao, Sta. Cruz, San Esteban, Sta. Lucia, ken Santiago.
Tunggal fire truck ket aggatad iti PHP14,989,000 a daytoy ket naglaon iti 1000 gallons.
Innayon ni Obrero a ti pannakaiwaras dagiti fire truck ket depende ti pagkurangan iti fire truck dagiti fire station ti nadumaduma nga ili iti probinsia ken dagiti daanen ti fire truck-da.
Pagyamanan met ti nasao nga opisial ti pannakaited kadakuada iti umuna a gundaway dagiti fire truck ta dakkel a tulong kadakuada iti panagrespondeda a napaspaspas kadagiti uram.
