VIGAN CITY – Innem a baro a kaso ti Covid19 ti nainayon ditoy probinsia iti nagpatnag isu nga umaboten iti 360 ti kaso.
Ni ISC355 ket agtawen-iti-duapulo ket uppat a babai a taga-Taleb, Nagbukel, mangisursuro idinto nga agtawen-iti-tallopulo ket siam a babai ni ISC356 a taga-Poblacion East, Nagbukel, maysa nga agtagilako.
Asymptomatic dagiti dua a pasyente, awan travel history-da, nai-expose da ken ni ISC347, ISC349, ISC350 ken extensive ti contacts-da.
Ni ISC357 ket agtawen-iti-uppat a pulo ket sua a babai a taga-Mission, Nagbukel, returning resident, maysa a healthcare worker.
Asymptomatic, adda travel history-na iti National Capital Region, nai-expose iti high risk area ken limitado dagiti nakapulapolna.
Ni ISC358 ket lalaki nga agtawen iti tallopulo ket uppat a taga-Poblacion West, Nagbukel, returning resident, maysa a driver.
Asymptomatic, adda travel history-na iti Rizal, nai-expose iti high risk area ken limitado dagiti nakapulapolna.
February 25 agingga March 11 a maisakup iti Enhanced Community Quarantine ti lugar dagiti pasyente a naibilang a critical zone, Modified ECQ kadagiti containment zone ken General Community Quarantine iti buffer zone.
Kabayatanna, ni ISC359 ket agtawen-iti-sangapulo ket dua a lalaki a taga-Zone II, Bantay, maysa nga estudiante ken returning resident.
Asymptomatic, adda travel history-na iti Cavite, nai-expose iti high risk area, limitado ti nakapulapolna.
Ni met ISC360 ket babai nga agtawen iti tallopulo ket lima a taga-Poblacion Norte, Lidlidda, adopted returning resident, maysa nga OFW applicant.
Sakit ti ulo ti sintomana, adda travel history-na iti NCR, nai-expose iti high risk area ken limitado ti nakapulapolna.
Awan ti community containment strategy a nasurot iti lugar dagiti dua a pasyente ta na-isolate-da nga insigida.
