VIGAN CITY – Nasuspenson dagiti innem nga opisial ti barangay gapu iti kontrobersyal a ladawan ti paltog kas pannusa iti siasino man nga agibelleng iti basura idiay Bangued, Abra.
Inaprubaran ni Bangued Mayor Mila Valera idi Mayo 6 ti singasing ti municipal council ken naibilin a masuspenso iti siam a pulo nga aldaw dagiti opisial ti Barangay Calaba.
Adda kainaigan ti suspensyon iti nakailanad iti tarpaulin a muelta a PHP1K para iti umuna ken maikadua a panaglabsing ken walo nga oras a community service, idinto a saan a masigurado no ania iti maikatlo a panaglabsing a ti naikabil ket ladawan ti paltog.
Nagreklamo dagiti concerned citizen kontra kadagiti opisial ti barangay, a ti ipaspasimudaag ti ladawan ti paltog ken panangpapatay wenno pangta iti biag ti maysa a tao.
