--Ads--
P30,000 ti inisyal a gatad dagiti dimmapo a sanikua gapu iti pannakauram ti maysa a pagtaengan idiay Barangay Panay Norte, Magsingal, Ilocos Sur.
Ti pagtaengan ket kukua ni Gerry Vivit Fagela Sr., agtawen iti limapulo ket siam, taga-Barangay Napo, Magsingal.
Iti pannaki-uman ti Bombo Radyo Vigan ken ni Senior Fire Officer 4 Robin Rafanan, posible pay a dakdakkel ti pakabuklan a gatad ti nauram ta madama pay laeng ti imbentaryoda.
Innayonna nga awan ti tao iti nasao a pagtaengan idi mapasamak ti uram ngem insigida met laeng a nadepdep babaen iti panagresponde dagiti maseknan.
-- ADVERTISEMENT --
Nagtaud ti uram iti maysa a kuarto gapu itinabaybay-an a nakasaksak a charger nga awan iti cellphone-na.
Nupay kasta, awan ti nadangran iti napasamak nga uram.
