Information dissemination iti panagaramat ti reflectorized vest, agtultuloy a maisaysayangkat

Agtultuloy ti isaysayangkat ti Vigan City Police Station nga information dissemination kadagiti agindeg mainaig iti panagusar iti reflectorized vest.

Iti pannaki-uman ti Bombo Radyo Vigan ken ni Police Major Christopher Ramat, national highway laeng ti pangiyusaran iti reflectorized vest kas nailanad iti provincial ordinance.

Babaen iti pannakikammayetda kadagiti barangay ket inlawlawagda a maipatungpal ti nasao nga ordinansa tapno maliklikan ti aksidente.

Dagiti aglabsing ket mamuelta iti PHP500 iti first offense, PHP1000 iti second offense ken PHP1500 iti 3^rd offense.