VIGAN CITY – Nairekord ti nangato nga inflation rate ti probinsya idi bulan ti Mayo kumpara idi napalabas a tawen iti agpada a bulan.
Basar ti report manipod ti Philippine Statistics Authority Ilocos Sur, 8.5 a porsiento ti inflation rate idi bulan ti Mayo a nangatngato kumpara idi bulan ti Abril a 8 a porsiento ken naadadayo a nababba idi agpada a bulan idi napalabas a tawen nga umabot laeng ti 4.6 a porsiento.
Inlawlawag ti PSA Ilocos Sur nga iti panagpangato ti inflation rate ti probinsya ket gapo iti panagpangato ti food and non alcoholic beverages index a 4.4 percent.
Kalaksidan ti makan ken non alcoholic beverages nangato pay ti housing, water, electricity, gas index ti 13.3 a porsiento ken transport index a 24.2 a porsiento.
Nakitaan iti panagpababa ti annual inflation dagiti makabartek a mainom, tabako a 6.5 a porsiento, clothing ken footwear a 4.2 a porsiento, health 8.7 a porsiento ken personal care ken dadduma a miscellaneous goods and services ti 4.6 a poriensto ken adda met dagiti dadduma a magatgatang a nagtalinaed a nababa ti napalabas a inflation rates da.
