Inflation rate ti pagilian, agtultuloy a bumab-baba

Agtultuloy ti panagbaba ti inflation rate iti pagilian iti maikapat nga agsasaruno a bulan.

Umabot iti 1.3 percent ti inflation rate wenno kapaspas ti lebel ti panagpangina ti kangrunaan a produkto idi bulan ti Mayo manipud 1.4 percent idi Abril.

Daytoy ket gapu iti nabuntog a panagpangina ti koriente, danum, ken dadduma pay a utility.

Ti nasao nga inflation rate ti kababaan nga inflation rate manipud November 2019.