Inflation rate, pimmaspas iti 2 percent idi Enero

Ngimmato iti 2 percent ti inflation rate ti Pilipinas iti bulan ti Enero ita a tawen.

Segun iti Philippine Statistics Authority, nangatngato daytoy ngem iti 1.8 percent idi December 2025 ken nababbaba ngem iti 2.9 percent idi Enero 2025.

Ti ingangatona ket gapu iti ngimmina a housing ken utilities nga immabot iti 3.3 percent manipud iti 2.5 percent idi napan a bulan.

Dakkel pay ti nagbalin nga epekto iti nangina a singir iti koriente ken abang iti pagtaengan, kasta payen ti singir kadagiti serbisio iti restaurant ken accommodation.