Pimmaspas ti 1.8% ti inflation rate wenno panangina ti presyo dagiti kangrunaan magatang ken serbisyo iti pagilian idi December idi napalabas a tawen kas maibasar iti listaan ti Philippine Statistics Authority (PSA).
Segun ti PSA, ti nairekord nga inflation rate idi December ket napaspaspas kumparar iti 1.5% a nairekord idi November 2025 ngem nabunbuntog met kumparar iti 2.9% idi December 2024.
Impakaammo ni PSA Undersecretary ken National Statistician Dennis Mapa, ti kangrunaan a naka-contribute iti panagdaras ti inflation idi napalabas a bulan ket ti panangina ti presyo dagiti taraon kangrunaan iti nateng ken produkto iti arena a masansan a maar-aramat iti food consumption bayat iti holiday idi December.
Nakaapektar pay dayta iti timmama a napigsa a bagyo idi bulan ti Nobiembre a nakaapektar kadagiti produkto iti nateng kangrunaan iti probinsia iti ruar ti National Capital Region.
