--Ads--
Agtaltalinaed iti 1.7 percent ti nairekord nga inflation rate wenno lebel ti panagngina ti presyo dagiti produkto ken serbisyo iti pagilian idi October iti agdama a tawen kas maibasar ti nairuar a report ti Philippine Statistics Authority (PSA).
Kapadana dayta iti nairekord a porsiento idi September ngem nabunbuntog dayta nu ikumparar iti 2.3% inflation rate a nairekord idi October 2024.
Segun ti PSA, ti kangrunaan a nagnayon iti inflation ita a bulan ti housing, water, electricity, gas ken dadduma pay a Fuels a 2.7 percent inflation rate ken 34.6 percent a paset iti pakabuklan a panagpangato.
