Patta-pattaen ti Bangko Sentral ng Pilipinas (BSP) a posible nga umabot iti 5.6% agingga 6.6% ti inflation idi Hulyo gapu iti panag-ngina ti presyo iti langis, singir iti kuryente, presyo iti ikan ken panagkapsot iti gatad ti piso kontra dolyar.
Idi Hunyo, bimmaba iti 6.4% ti inflation kalpasan a temporaryo a bimmaba ti presyo ti langis gapu iti ceasefire idiay Middle East. Ngem ngimmina ti presyo dagiti produkto petrolyo gapu iti baro manen a tensyon idiay West Asia.
Nagbalin pay a patangan ti singir iti kuryente kalpasan nga impkaammo ti Department of Energy (DOE) a ti average power rate iti pagilian ket umabot iti P12.43 kada kilowatt-hour, a kangatoan iti Southeast Asia.
Iti State of the Nation Address (SONA) ni President Ferdinand Marcos Jr., kinunana nga iduron iti gobierno dagiti addang tapno makissayan ti epekto ti panag-ngina ti presyo iti langis ken kuryente, pakairamanan ti gakat nga ikkaten ti system loss charges iti electricity bills dagiti consumer.
