Inflation, posible nga umabot iti 3.1 agingga 3.9 percent

Posible nga umabot iti 3.1 agingga 3.9 percent ti inflation wenno lebel ti panagpangina ti magatang ken serbisio ita a Marso.

Segun iti Bangko Sentral ng Pilipinas, epekto daytoy iti dakkel a ngimminaan ti presio ti langis, nangin-ngina a presio ti bagas, singir iti koriente, ken panagkapsot ti gatad ti piso.

Innayon ti BSP a posible a mangapektar pay ti manamnama a panagbaba ti presio ti nateng, ikan, ken karne tapno maliklikan ti inflation.

Iti agdama, impasigurado ti BSP nga agtultuloy a mabantayan dagiti datos, nangruna iti inflation ken panagdur-as ti ekonomia, iti baet ti agtultuloy a riribuk iti Middle East ken epekto iti ekonomia.

Idi Pebrero, immabot iti 2.4 percent ti inflation, idinto a 1.8 percent met idi Marso 2025.