VIGAN CITY – Naisayangkat ti indignation rally iti ili ti Sta. Lucia kas panangkondenar iti napasamak a rinnupak iti nagbaetan ti New People’s Army ken dagiti kameng ti militar iti kallabes.
Ti rally ket nakipagpasetan dagiti opisial iti nasao nga ili kas kadagiti grupo ti SK Federation, dagiti barangay official, dagiti kameng ti 702nd Defender Brigade ken ti 81ST Infantry Battalion kasta payen ni Ilocos Sur Police Provincial Director Ronald Tagao.
Segun ken ni Mayor Joseph Simon Valdez, ti naisayangkat a rally ket kas panangideklarar a persona non grata dagiti siasino man a terorista nga agdakdakiwas iti nasao a lugar.
Mangrugi iti sangwanan ti munisipio ti nagbalin a ruta dagiti nag-rally agingga iti Ayusan Norte ket nagu-ummongda a manguram iti effigy ni Joma Sison.
