VIGAN CITY – Maisayangkat inton April 19-20 iti ili ti Salcedo ti Indigineous Peoples Games a programa ti Philippine Sports Commission.
Iti pannaki-uman ti Bombo Radyo Vigan ken ni Edwin Llanes, Philippine Sports Commission Regional Coordinator, umuna ita a tawen iti intero a Luzon a ti Ilocos Sur ti napili a pakaisayangkatan ti event.
Sangapulo ket uppat nga upland municipalities ti makipaset iti ay-ayam agsipud ta adda limit nga intuding ti PSC kadagiti sumali.
Sumagmamano kadagiti karaman nga ay-ayam ket ti banga relay, kadang-kadang, sinnangdwan ken dadduma pay.
Adda met dagiti adjustment a maaramid gapu iti kinabara ti paniempo agsipud ta maaramatto ti covered court.
Maipaayanto dagiti participant iti libre a T-shirt, taraon ken gas subsidy kasta payen nga addanto premyo dagiti mangabak.
