VIGAN CITY– Tallo a tama ti bala iti makinkannigid a ramay ti sinagrap ti Indian national a gapu iti panangpaltog dagiti dwa a saan a nabigbig a suspek a nanggandat a nanghold-up kenkuana idiay barangay Mambog ,Sta Cruz, Ilocos Sur
Nabigbig ti biktima a ni Jatinder Singh, agtawen ti dwa pulo ket walo, naasawan, agpapautang ken taga San Nicolas, Candon City.
Maibasar ti report, manmanehuen ti biktima ti motorsiklo na idi sinaed dagiti suspek a nakalugan ti motorsiklo ket dinawat da ti nasingiran na manipud kadagiti pautang na.
Nagkedked met ti Indian national isu a naglibas ngem kinamat dagiti suspek sada pinaltugan iti namintallo a daras babaen ti caliber 45 kas maibasar kadagiti tallo a basyo ti bala a naala iti nakapasamakan iti krimen .
Insigida met a naglibas dagiti suspek idinto a ti biktima ket naipataming iti Sta. Lucia district hospital idiay ili ti sta. Lucia.
