VIGAN CITY – Impakaammo ni Vigan City Mayor Bonito Singson ti indefinite suspension iti klase ken trabaho iti agpada a pampubliko ken pribado a sektor ita nga aldaw.
Ti addang ket kalpasan a timmama iti siudad ti Vigan iti 7.1 magnitude a ginggined.
Nabalakadan dagiti agindeg ken turista a liklikan iti agsubli kadagiti pagtaengan ken establishyimento kangrunaan kadagiti daan a pagtaengan ken pasdek gapu iti aftershocks.
Insigida a naisayangkat ti inspection baben ti City Government ken dadduma pay a concerned agencies tapno ag-assess kadagiti dadduma pay a naapektaran kadagiti barangay ken iti siudad.
Mangisayangkat iti emergency meetings iti City Government kaduada dagiti kameng ti City Disaster Risk Reducation Management Council ket nabalakadanda nga agbalin a high alert ken siguradoen ti napaspas a tignay dagiti agindeg iti siudad ken bisita.
