VIGAN CITY – Nainaguraran ti Narvacan New Farmers Public Market iti ili ti Narvacan babaen ti panangidaulo ni Presidente Rodrigo Duterte.
Ti world class public market ken umuna a solar powered a tiendaan iti pagilian ket paset kadagiti kari ni Mayor Luis “Chavit” Singson kadagiti Narvacanean a maisayangkat dagiti proyekto iti panagtakemna ken tapno napaspas ti panagdur-as ti Narvacan ket mangitag-ay iti panagbiag dagiti umili.
Nagatendar pay iti inauguration ceremony da Senator Bong Go, Agriculture Secretary William Dar, Labor Secretary Silvestre Bello, dati a DPWH Secretary Mark Villar, dagiti dadduma a kameng ti gabinete pakairamanan dagiti national ken provincial government official.
Ti pannakaipatakder ti baro a tiendaan ti Narvacan idiay Barangay San Antonio ket tapno maakomodar ti umad-adu nga agnegnegosyo iti nasao nga ili.
