VIGAN CITY – Maisayangkat inton June 18, 2022 iti panagsapatada Vigan City Mayor-Elect Jose “Bonito” Singson Jr. ken Vice Mayor-Elect Randy Singson idiay Vigan Convention Center.
Umuna a paset ti programa iti Thanksgiving Mass babaen kenni Archbishop Marlo Peralta iti Archdiocese of Nueva Segovia kasta met iti welcome address ni Outgoing Vigan City Vice Mayor Lourdes “Lulu” Baquiran.
Ti naawagan a “Sapata ti Baro a Namnama” wenno oath taking ket indauluan ni League of Municipalities President ken Outgoing Narvacan Mayor Luis Chavit Singson.
Umuna nga agsapata dagiti napili ken nabotosan a Sangguniang Panglungsod a da Janina Medina-Farinas, Bobit Singson, Engr. Larry Raboy, Engr. Nestor Pajaro, Atty. Glendale Benzon, Ada Joana Artajos, Atty. Alistin Arce, Libong Arca, Karen Baquiran ken Brgy. Capt. Jay Andia a sarunwen da City Mayor-Elect Jose “Bonito” Singson ken Vice Mayor-Elect Randy Singson.
