Nagturpos ti ina ni Olympic gold medalist Carlos Yulo a ni Angelica Poquiz Yulo iti kurso nga Office Administration manipod Philippine Christian University (PCU).
Imbingay ni Angelica iti naragpatna babaen iti panangibingay dagiti ladawanna manipod commencement ceremony a naisayangkat iti Philippine International Convention Center.
Inatendaranna iti graduation-na kaduana ti asawana a ni Mark Andrew Yulo.
Nagyaman ni Angelica kadagiti tattao a nagbalin nga instrumento iti educational journey-na a pakairamanan iti presidente iti unibersidad a nangted kenkuana iti scholarship ken nagyamananna ti asawana iti awan sarday a suportarna.
Imbingayna pay a nakaturposen iti kolehio babaen iti Expanded Tertiary Education Equivalency and Accreditation Program (ETEEAP).
