--Ads--
VIGAN CITY – Maysa a babai idiay Pakistan ti naganak iti innem a maladaga, uppat ti lallaki ken dua ti babai idi laeng April 19 iti agdama a tawen.
Natalged ti kasasaad ti agtawen duapulo ket pito nga ina ken ti sextuplets, addadan ita iti Combined Military Hospital idiay Bannu para ti pannakamonitor dagiti maladaga a naipan iti incubators.
Segun kadagiti medical expert, mapasamak laeng ti sextuplets iti maysa manipod 4.5 million a masikog ket narisrisgoda iti komplikasyon nu mayarig iti maysa laeng a sikog.
Ti kaunaan a surviving sextuplets ket naiyanak idiay South Africa idi 1974.
-- ADVERTISEMENT --
