Inikkaten ti Department of Agriculture ti import ban kadagiti manok ken poultry products manipud iti pagilian ti Netherlands.
Segun ken ni DA Secretary Francisco Tiu Laurel Jr., natalek a nakontrol ken nalapdanen ti peggad nga intunda ti Highly Pathogenic Avian influenza iti nasao a pagilian.
Gapu iti pannakaibabawi ti ban, amin nga import transaction ket agtultuloy iti salinong ti nagtulagan a kondision ken dagiti rules and regulation ti ahensia.
Ti nasao a pammilin ket epektibo iti sangapul ket lima nga aldaw kalpasan a maipost iti official website ti DA ken maipadanon iti Office of the National Administrative Register.
Kabayatanna, palpalubosan met ti DA ti panagangkat iti karne ti manok, day-old chicks, itlog, ken semilya iti nasao a pagilian.
