Kayat ni Senador Sherwin Gatchalian nga agbalin a nalawag ken silulukat iti ania man a panaggaraw iti presyo to produkto petrolyo babaen iti panangpatibker ti linteg a mangipasigurado iti kasasaad ken interes dagiti aggatang ket masalwadan.
Segun ken ni Gatchalian, nasken a maisapubliko ti ania man nga impormasyon iti adjustment ito presyo ti langis tapno masigurado ti transparency ken patas a panagpresyo wenno fair retail pricing.
Immunan a nagiruar ti Korte Suprema ti ruling a mangpatibker iti desisyon ti Court of Appeals inaig iti turay ti maysa a circular nga imparuara ti Department of Energy.
Ti circular ket isu ti mangibilin kadagiti kompania ti langis nga i-unbundle wenno idetalye ti ania man nga adjustment iti presyo ti produkto petrolyo, pakairamanan dagiti eksplanasyon ken supporting documents.
