--Ads--
Imbasura ti Sandiganbayan ti motion for reconsideration nga impila ni Mary Ann Maslog a nasentensyaan ti kaso a corruption gapu iti P24 million textbook scam idi 1998.
Iti innem a panid iti resolusyon iti anti-graft court, napatibker iti graft conviction ken ni Maslog gapu iti agkurang a merito iti mosyon.
Mapapati nga awan ti baro nga ebidensya nga indatag ni Maslog tapno baliktaden ti immunan a pangngeddeng idi Enero.
Impaganetget ti Sandiganbayan a ni Maslog ti personal a nangipatulod kadagiti falsified budget release orders manipod central office nga idi ket Department of Education, Culture and Sports nga agturong iti DECS Region 8 ken dagiti nasao a falsified documents ket naaramat para ti disbursement iti pondo.
-- ADVERTISEMENT --
