Pinasingkedan ni House prosecution spokesperson Atty. Benjamin Tolosa a posible a bumuntog ti impeachment trial ni Vice President Sara Duterte ta saan nga immannugot ti depensa nga ipada ken yarig dagiti dokumento nga ebidensia sakbay iti panagdenggeg inton August 10.
Segun ken ni Tolosa, namin-ano a daras a nakikammayet ti prosekusyon iti depensa tapno yarig dagiti dokumento sakbay iti panagdenggeg ngem August 14 pay laeng ket kayat daytan nga aramiden ti depensa.
Inlawlawagna ti masansan a maar-aramid iti trial ti panangipada kadagiti dokumento tapno mapagtulagan dagiti biang ti panagbalin a napudno dagitoy.
No saan dayta a maaramid sakbay ti panagdenggeg ket posible a saggaysa a paneknekan iti korte ti tunggal dokumento a mangpapaut pay.
Kinuna ni Tolosa nga ipakadada dayta iti presiding officer iti impeachment court.
