Impeachment trial ni VP Sara, nakasaganan kagiddan ti iseserrek ti 20th Congress

Nakasaganan ti impeachment trial ni Vice President Sara Duterte a marugian ita a 19^th Congress ken maituloy iti 20^th Congress.

Segun ken ni Senate President Chiz Escudero, surotenda latta ti naidatag a timeline nangruna ta awan met ti desisyon ti korte a lapdan ti pannakaisayangkat ti trial ti impeachment court.

Ita a lawas ket mangipatulodda iti sura titi kamara tapno idatagda a kasapulanda nga iplastar iti plenaryo ti Senado ti articles of impeachment wenno dagiti kaso a naipila kontra iti bise presidente.

Uray dagiti robes nga aramaten dagiti senador nga agserbi a senator-judges ket arigna kompleton ken maidait laengen dagiti robes a maaramat kadagiti baro a senador iti iseserrek t 20^th Congress.