--Ads--
Manamnama nga agpaot ti tallo a bulan ti mapasamak nga impeachment trial kontra ken ni Vice President Sara Duterte no marugyan daytoy inton Hulyo 6.
Tantiya daytoy ni lead prosecutor ken Batangas Rep. Gerville “Jinky Bitrics” Luistro kalpasan a masaludsod no adda makitkita na a timeline ti prosecution a malpas ti impeachment trial.
Pinasingkedan ni Luistro a no tuloy-tuloy ken no awan ti agbalin a pannakaitantan kadagiti panagdenggeg ket malpas ti trial inton Setyembre ti agdama a tawen.
Inlawlawag ti agpampanday linteg nga ikeddeng ti Senate impeachment court ti pinal nga iskedyul ken bilang dagiti aldaw ti trial iti mapasamak a pre-trial conference inton Hunyo 18.
-- ADVERTISEMENT --
