Pinasingkedan ni House Deputy Speaker ken Iloilo Rep. Janette Garin a kabaelan a pagiddanen ti Kamara de Representantes ti impeachment trial ni Vice President Sara Duterte ken ti panagtignay ti kasapulan dagiti nadidigra iti habagat.
Segun ken ni Garin, saan a maikalintegan nga ibbatan ti kamara ti maysa a trabaho-da ta kabaelan a paggiddanen dagiti miembro iti Kamara.
Segun ken ni Garin, agtultuloy ti koordinasyon da Speaker Faustino Dy III ken Majority Leader Ferdinand Alexander Marcos iti agduduma nga ahensia iti gobierno kas ti Office of Civil Defense, Department of Social Welfare and Development (DSWD), ken Department of Health (DOH).
Kinunana a monmonitoren ti liderato iti Kamara dagiti pasamak tapno mabigbig dagiti mayannatup ken maammoan no ania a programa ti posible nga agkasapulan ti nayon a pondo tapno maipangruna.
Impaganetgetna a saan nga agkontra iti panagtignay ti didigra ken panagadal iti panaggastos iti national budget.
