--Ads--
Mamati ni dati a senador Franklin Drilon a saan laeng a judicial ngem maysa a political process ti impeachment.
Nagserbi ni Drilon kas senator-judge iti napalabas nga impeachment cases ket inaramid na ti statement idi masaludsod isuna no adda papel ti Presidente iti impeachment process kontra ken ni Bise Presidente Sara Duterte ken ti panagbiruk na ti agbalin a successor na inton 2028.
Pinasingkedan ni Drilon a saan a nakapap-papati no ibaga na a saan a makibiang ti presidente gapu iti separation of powers ti dua a kangatoan nga opisial ti pagilian.
Inlawlawag pay ti dati nga opisial a natural daytoy gapu ta ti impeachment ket saan laeng a maysa a judicial a proseso ngem maysa met a political process.
-- ADVERTISEMENT --
