Pinasingkedan ti lead defense team ni Vice President Sara Duterte a ni Atty. Shiela Sison nga uray pay bigbigen ti kampo ti bise presidente ti impeachment kas maysa a demokratiko a proseso kontra iti korapsion ngem saan a masapul nga aramaten para iti bukod nga interes wenno politika.
Iti opening statement-na, sinublian ni Sison ti nagbalin a decision ti Korte Suprema idi Hulyo 25, 2025 iti kaso a Duterte v. House of Representatives a naideklarar nga adda grave abuse of discretion ti nagbalin nga impeachment proceedings ti Kamara ken naibilang nga awan ti bisa-na.
Inkalintegan ti Korte Suprema ti nadakamat a decision kalpasan nga imbasura da ti motion for reconsideration ti Kamara.
Pinasingkedan ti depensa a ti impeachment ket saan laeng a political process ngem maysa a legal ken constitutional mechanism a masapul a maisayangkat kas panangsurot iti Constitution.
