Accessible itan iti publiko, babaen iti Senate website, dagiti dokumento nga adda pakainaiganna iti agdama nga impeachment trial kontra ken ni Vice President Sara Duterte tapno masigurado ti panagbalin a nalawag ti proseso, segun ken ni Senate President Sherwin Gatchalian.
Impaganetget ni Gatchalian a ti panangited iti access kadagitoy a dokumento ken ebidensia ket makita ti publiko ket napateg nga addang tapno mapagtalinaed ti integridad ti Senado.
Inlawlawag ti senador a babaen iti panangpatalinaed iti maysa a komprehensibo a digital repository dagiti proseso ti impeachment, masigurado ti institusion a maberipika mismo dagiti umili dagiti ebidensia, imbes a mangnamnama laeng kadagiti makitkitada iti social media.
Nupay kasta, inawisna ti publiko nga anagen, basan ken awaten para iti bagbagida dagiti proseso.
