Nakaituding ita nga aldaw wenno inton alas nuebe iti bigat nga ipila ti impeachment complaint kontra ken ni Vice President Sara Duterte iti agduduma a Civil Society ken Religious Groups, dagiti concerned citizens ken Makabayan Bloc.
Ti panagipila manen ti reklamo ken ni Vice President Sara ket kasaruno ti panangpatibker ti supreme court iti immunan a pangngeddeng nga unconstitutional ti articles of impeachment kontra iti bise presidente.
Lima nga articles of impeachment ti nakapauneg iti reklamo a maipila ita nga aldaw a pakairamanan iti culpable violations of the Constitution, graft and corruption, bribery, betrayal of public trust ken dadduma pay a high crimes.
Nagtaud dayta iti mapapati a panag-hire ni VP Sara ti mangpatay kada Pres. Ferdinand Marcos Jr., First Lady Liza Marcos, ken dati a House Speaker Martin Romualdez.
Karaman pay iti grounds iti madi a panagaramat ti confidential intelligence, bribery, illegal wealth accumulation, money laundering ken paay a pannakadeklarar dagiti sanikua iti Statement of Assets, Liabilities and Net Worth-na.
Nakapauneg pay ti impeachment complaint ti mapapati a panangpalubos ni VP Sara iti extra-judicial killings ken plano a panag-destabilize iti gobierno.
