Nagbaliw ti posisyon ni Pres. Ferdinand Marcos Jr. maipanggep iti plano a panagipila ti impeachment complaint kontra ken ni Vice Pres. Sara Duterte.
Segun ken ni Palace Press Officer ken PCO Undersecretary Claire Castro, kinuna ti presidente a no maipila ti reklamo nga impeachment ket rumbeng a maitrato kas iti maisaysayangkat nga imbestigasyon dagiti maanomalya a flood control projects nga awan iti maan-anamungan ken dumaldalan iti husto a proseso.
No man pay saan a direkta a naibaga no suportaran wenno lapdan ti presidente ti impeachment ket impaganetget ni Castro nga irespetoda ti proseso ken madusa dagiti mapaneknekan a nagbasol.
Maipalagip nga idi napan a tawen ket inawagan ni Pres. Marcos a panagaksaya iti oras iti impeachment kontra iti bise presidente.
Impaganetget iti Malakanyang a rumbeng a maipatungpal ti due process ken baybay-an nga aggaraw ti imbestigasyon kas maibasar iti ebidensya.
