Manamnama a maileppas ti Senado ti paset ti impeachment case mainaig iti mapapati a grave threat ni Vice President Sara Duterte sakbay a malpas ti Hulyo.
Segun ken ni Senate impeachment court spokesperson Atty. Reginald Tongol, pimmaspas ti proseso kalpasan nga imbabawi ti prosekusyon ti panagsango dagiti innem pay a testigo para iti Article 4 ti impeachment complaint.
Gapu dayta, manamnama a mayakar ti trial kadagiti sumaruno nga alegasion – nga isu ti mapapati a saan a husto a pannakaaramat iti confidential funds ti Office of the Vice President ken Department of Education.
Iti Article 1 ti impeachment complaint, naakusaran ni VP Sara iti mapapati a panaglabsingna iti public trust ken graft and corruption gapu iti mapapati a saan a husto a pannakaaramat ken pannaka-liquidate ti pakabuklan a P500 million a confidential funds ti OVP ken P112.5 million manipud iti DepEd.
