Sinuspenso ti Senate Impeachment Court ti impeachment trial inton bigat, Setyembre 9, tapno ikkan gundaway ti panangmarka kadagiti exhibit para iti sumaruno nga Article of Impeachment.
Segun ken ni Presiding Officer ken Senator-judge Francis “Chiz” Escudero, ti decision ket kalpasan a nagkiddaw ti prosekusyon ti oras tapno makasagana ken mamarkaan ti exhibit-da para iti Article II nga adda pakainaiganna iti mapapati a saan a mailawlawag a kinabaknang ni VP Sara Duterte.
Immunan a nadakamat a saanen nga ipasango ti prosekusyon dagiti nabatbati a 15 a testigo iti Article 1 gapu ta lineppasdan ti presentasion kadagiti testigo ken ebidensia iti alegasion ti saan a husto a panagaramat iti confidential fund.
Kabayatanna, inaprubaranen ti Senado ti baro nga schedule ti impeachment trial, Senate session ken budget hearing para iti bulan ti Setyembre ken Oktubre.
