VIGAN CITY – Imon ti mapapati a nagbekkelan ni Reggie Cariaga, agtawen iti duapulo nga agnaed iti Barangay Sinabaan, Bantay.
Insigida a nagresponde dagiti pannakabagi ti linteg ti Bantay Police Station iti nasao a lugar idi naipadanun kadakuada ti pasamak ket idi makadanund, naibaban ti kabsatna a ni Richmund Cariaga ti bangkay ti biktima ket dagus nga impanda iti Metro Vigan Cooperative Hospital, Guimod, Bantay ngem saanen a naisalakan pay ti biagna.
Segun ken ni Esteban Cariaga, ama ti biktima, alas nuebe idi kalman, simmirip iti abot ti sementado a paderda idin ta nakitana ti biktima a nakabitin iti kuartona babaen iti tali.
Gapu dayta, pwinersana a linukatan ti naka-lock a ridaw ti kuarto ket nagpatulong iti sabali pay a putotna tapno warwaren ti tali iti tengnged ti biktima.
Pinasingkedan met ni Reynalda Cariaga, ina ti biktima, nga adda ti saanda a pagkinnaawatan ti nobiana gapu ti imon.
Idi November 4, nakita ti ina ti biktima a nangputed ti anakna iti tali iti indayon iti sangwanan ti pagtaenganda ken arigna depressed ti langana.
Sipud idi adda saanda a pagkinnawatan ti dati a nobia ti biktima ket naisawangna iti inana nga agbekkel idi tawen 2019.
