VIGAN CITY – Pinasingkedan ni Bombo International Correspondent Maria Veronica Funtanilla, maysa nga mangisursuro idiay Suwon City, South Korea a dakkel ti nagbaliwan ti Immigration Service idiay South Korea ta iti agdama ket bassiten dagiti tattao a mapmapan iti nasao nga opisina.
Dayta ket gapu pay laeng iti napaspas a panagadu ti kaso ti coronavirus disease iti nasao a pagilian.
Ti pannaki-uman ti Bombo Radyo Vigan ken ni Funtanilla, bassiten dagiti tattao a mapan makipilpila idiay Immigration Service ket nagdaras payen a malpas dagiti as-asikasoen da a dokumento a masapul dagiti kliyente da.
Malaksid iti dayta, awan pay iti klase iti pangisursurwanna nga unibersidad ken inton March 16 ton nga agsubli iti normal schedule da.
Kas panangliklik iti nasao a virus ket sursurotenda met ti pammilin ti gobiernoda nga agaramat latta iti face mask ken liklikan dagiti lugar a pagdudupudupan dagiti tao.
